القهوة اتفاخرت والشاي

القهوة اتفاخرت والشاي

القهوة اتفاخرت والشاي 1208017963

محرر الموقع « للأستاذ
احمد بن محمد الرمل - محرق – البحرين » - 11 / 9 / 2003م - 2:18 م

من شروط إنشاء المناظرة بين شيئين من أي نوع من الأشياء الإلمام بالشيء
الكثير إذا لم نقل بالكل من معايب ومفاخر كلا الطرفين حتى لا يتهم الناظم
انه قصر في ناحية دون الأخرى وهنا نرى شاعرنا قد اشبع الموضوع في مناظرته
بين الشاي والقهوة بديعة في نوعها.

الكهـوة اتفاخـرت والجـاي ضحويهكلمـن كـال بـس آنـا الفخـر ليـه

الكهوه اتكول كل العرب من قـومـييمانيـه وشريفـت اصـل مـن يومي

بـالـك تفتـخـر ويـاي يـا رومـيالفخـر لهـل الفخر موش الك يخريه

الجاي ايكـول يـا سـوده ويـا مـرهاظـن وزوج علـي ابلـيـس ابو مره

و الله لـو اظـفـرنـج فــرد مـرهاحــرقنـج يمحـروقـه وينـوبيـه

ينـوبيـه و صـاحت يالعرب يا اجوادعلـي ترضـون يتعدى ولـد اكـراد

انا بنت الكـرام تشهـد ثمـود وعـادويشهـد لـي اليمـن كلـه ونـواحيه

يشهـد لـي و علـي هالنغـل يتعـدهو لا واحـد ابغيـره نهـض وابحـده

يضرب ها النذل شومي علي زنــدهلايجسـر علـى امخـدره وعـربيـه

صـاح الجاي شنهـو العرب يا سودهسلطـان العجـم ويـاي واجنــوده

استكـانـاتـي مـن البلـور معدودهيشبهـن بالضـوى انجـوم السماويـة

خـواشيقي مـن الفضـه ومنقـوشـهواجب كلمـن ايحطنـي وسط حوشـه

ابحجـر وابغـرف مرشوشه ومفروشهالـزل و النظـافـة اتخصصـت ليـه

القهـوة قـالـت الجـاي اليمـدحونهيشـابـه دم الحيضـه مـن حمر لونه

من بخلـه يضمـونـه اليشـربـونـههذا امـن البخـل و آنـا الكـرم ليـه

الكرم عند العرب و انا الكـرم اهـواهالبخل عند العجم معلوم حتـى الشـاه

عـاد الـزم احـدودك لـو قسـم باللهاعـدمـك و الغـرامـه النفـر شاهيه

الجـاي انتصـب للقهـوه عكـر نونهو قـال آنـا الحلـو و الحلـو يعشقونه

و اهـل المـال عشـاقـي يمجنـونـهخـل عقلـج يـرد او طيحــي اعليه

قــومـي طيحـي اعليـه وراضينـيذكــر آنـا وكـل نثيـه تـراشينــي

رب اللـي خلقنـي اجعلـج مـن دونىوصيفـة و خـادمـة التقبيـل ايـديـه

قـالـت يـا نـذل لتشـوفنـي سمـرهانا حــره اوبـت حـر و امـي الحره

تحسبنـي و صيفـه خـابـت الفـكـرهمنك يا نـذل يـابـن الشـلـيـتـيــه

لـو عنـدك حسـب لـو نسـب متعديتمقـدارك و لا اذراعـك علـي مـديـت

تسكـت لـو عليـك ابجـيـش انا شديتواشيـل اعليـك دوم اعــلان حـربيـه

قـال الجـاي اكب اعليـج مـاي الحـارمــن قـوري وسمـاور واشب بيج النار

واجــر اعليــج عسكر من جميع اقطارواحصـرنـج شبـه ممـجـه ابسلـيــه

لكـن سلمـي وشيلـي اعــلان اصـلاحقبـل لا اتـرس الدنيـا عليـج اســلاح

واخـلـي اعليـج بر وبحر صوت اصياحاخجـلـي بطلـي خـافـي امـن المنيـه

القهوه اتقول مـن مثـلـى فـلا ايبـالـيمن الجاي البخيل امـن الكـرم خــالـي

مـادامـت اتـلالـي ابنـورهـا ادلالـياو يهلهل هـاونـى كـل صبـح وامسيـه

افاخر كلمن ايفـاخــر مـن الجـايـاتواكســر لستكـانـاتــه ولصحيـنـات

قــول انـا ابـو الفعـلات ابـو التركاتقــول ابـلا فعــل ميفيــد راعيــه

لـون المسـك مـن لـونـى يعـرفـونهو مـن رايحتـي العنـبـر يشمــونــه

ولـونـك لـون دم اللـى يحـرمــونـهشاهــد مــا يـريد الفتوه شــرعيــه

اغتـاض الجـاي او كـام الها ابخاشوقـهاسكتــي لـو اضربنـج علـى الكـوكـه

اتقولين انتـي بـت او انتـي مفتـوكــهبيــج العيـب اسكتــي العيـب موبيـه

سوده امصخمه دومــج مــن الدخــانتشهــد لـي الرجـال وتشهـد النسـوان

وانا الخلـق كلهـا اتقرلي خــوش انسانيشهــدولــي ولـج تشهــد الهيبيــة

الهيبيـة التشـهـد لـج و انـا المعـلـوم

شربيشربي الحلو او شربج مر على البلعوم

ابـوي آنا اصيـل او والــدج ميشــوم

اصلـج خادمـه النا وصـرتـي فيـليـه

قالـت لـه العـرب سـاده على المخلوقحتـى الله و ملايكتـه اشهـدو امـن فوق

تسكــت لـو اقـوم اعليك يا بـربـوقبـيـد الهــاون الخشنـه الحـديـديـة

يا سـاس الخساسـه الشرف مـن ساسيبالـك تظـن بانك اشهـدو مـن بـاسـي

تسكـت لـو اقـومـن لـك ابمحماسـيواكسـر كــل مــواعينـك الصينيـه

آنـا ام الــزعفـران وآنـا ام الهيــلشـرابتـي الخيـالـه ابظهـور الخيـل

تصيـح الـويل منها الدول كل الـويـللو سلـت عـربهـا اسيـوف هنـديـه

ابو جـه الجاي بان الغضب شال اعلانحربيـه علـى القهـوه ابـوسط طهران

كلها اتحزمـت لـه اشيـوخ والشبـاناو قـام ايفـور غيـض او شين النيـه

قالو الـه الشـرابـه عجـم واتـراكبـس آمـر علينـا اهنـا اتريـد اهناك

نمحي اوجود كل قهوه و هـي تغـداكالعرب مـاعـدها طيـارات جـويـه

طلعـت عسكـر العجمـان بالتـرياقمـاهـو بـالمثـاقيـل الشـرب أواق

وهـذا فـاكـدينـه كـل اهـل العراقوالتـريـاق مـا ينـهـاب راعيــه

العرب نهضت يمنها ونجـد باستعـدادوالشامـات جـرت عسكـر البغـداد

العشاير بالفرات اركبت خيـل اطـرادواهل دجلـه ابمـراكبهـا البخـاريـه

كلهـا اطلعـت والـرايـات منشـورهعلى حرب الدول والعـرب منصـوره

الكل منهـم ابشعـره ايغنـي ابطـورهعلى الخيـل او علـى اظهور العمانيه

هذا ايغني وهـذا ايحـدي ابصـوتـهوهـذا ايهوس ابهـوسـات منعـوتـه

القهـوة اتـونسـت والشعـر لوموتـهيحييهـا ابـمـيـزانــه او معـانيـه

العرب كلها اطلعت بسيـوف مسلـولـهمـلابسهـم ابمـاى الـورد مبلـولــه

ابـدمـا تلقا منهم شخـص بيـه لـولـهالحــرب عـدهـم تشـابـه امـيــه

ايام العـرب بـالـكـتـب مـعـروفـهحـرب القـادسيـه اتـأملـه وشـوفـه

ظـل قلـب العجـم يرتجـف من خوفـهإلـى يـوم القيـامـه مـوش منـسيـه

العجم والعرب يـوم اتقـابلـوا صـوبينرادت تشتعـل حـرب التكـداسـنـيـن

العجم تنخى ابرستم والعرب بوا حسيـنالذي جبريل نـوه بـاسمـه يـومـيـه

ابهـذا الحـرب بسمـا سمعـت العلامطلعـت للصلح خافت علـى الاسـلام

لجـل الجـاى والقهـوة يطيـر الهـاممـن شيعـه وسنـه اعظــم ابلـيـه

عــلام العـجـم للعـجـم ردوهــاالعرب علامها في الحال طـاعـوهـا

و نيران الفتن بالمـوعظـه اطفـوهـامـن الله اطلبـوا عفـوه ومـراضيـه

الفتنه مـا يشبهـا صـاحـب الايمـاناتبعـوا سنـة الهـادي مـع القــرآن

كلمـن منكـم ايخـالـف تـرى ينهـانعليـه الله وعـذابـه مــاه اشـويـه

حلال الجـاى والقهـوة ابكـل اقطـاروالشـرع اليتبعـه مـاتمـسـه النـار

علـى الهادي صلاة الله وعلى الكـرارابـن عـمـه علـى والآل تـالـيــه

http://awam82.homeip.net/?act=artc&id=118

» صناعة الدلال ( دلال القهوة )